Osmanlı Türkçesi coğrafya metninin akıcılığına dikkat kesilir misiniz? Ne kadar güzel ilmi mütalaa değil mi?

İstidlâlât-ı Hevâ'iye
Mıknatıslanmış bir ibre fecr-i şimâli esnâsında ve kar yağarken ve yağmazdan evvel sür'atle ihtizâz ve tebdîl-i istikâmet ider.

Rüzgârlar- Kürre-i nesîmi hâdisâtı meyânında- Muvâzenât-ı hevâ'î en ziyâde ihlâl iden rüzgârlar, inkılâbât-ı âtîye-i cevviyenin en şâyân-ı i'timâd vesâ'it-i istidlâliyesidir.

Mebhas-ı alâ'im-i cevviye ilmi, heman tamâmıyla rüzgârların ta'kib-i takallübât ve tedkîk-i mâhiyeti esâsı üzerine müsteniddir.

Kürre-i arzın muhtelif nikâtından büyük bir tevakkuz ve dakîka-yı cûyâne ile icrâ idile gelmekde olan tarassudât-ı mütevâliye sâyesinde şimdi dalgaların, buraların hatt-ı hareket ve istikâmetini ta'yîn idilen bir nokta-i müntehâya vusûl içün rüzgârların mu'ayyen bir zamânda hangi denzden, hangi memâlikden mürûr idecegini ta'yîn itmek mümkün oluyor.

Bu istidlâlât-ı yevmiye, faraziyât ve kazâyâ-yı fenniyeüzerne mü'essesdir ve ba'zı Avrupa gazetelerinin mebhas-ı alâim-i cevviye jurnallerinde mukayeddir.

Bulutların hareketini tarassud itmek tabî'î bir rasad dûrbîni olan gözden başka vesâite mâlik olmayanlar içün, ağac yapraklarının ihtirâzâtı, rüzgârların ta'yîn-i istikâmetinde sâlim bir vâsıta-yı istidlâliye olabilür.

https://www.osmanlicagazeteler.org/incele.php?id=20439&gor=